Liederauswahl für den Räbeliechtliumzug


Schulhauses Hasenbühl
am 15.11.2019

1. Miis Rääbeliechtli
Ich bin mit miim Rääbeliechtli
underwägs hüt zNacht.
Und ich lüüchte wie das Liecht,
won ales heller macht.

2.    Miini Lieblingsziit
1. Ich lueg de letschte Schwalbe naa und ich chan eifach nöd verschtaa,
werum die iez scho wetted gaa, werum die iez scho wettet gaa.
Wär ich sone Schwalbe, ich wür nöd mit, wil de Herbscht isch miini Lieblingsziit.

2. Wänn d Pletter füürig farbig sind und flüüged  mit em wirblige Wind.
Hol ich miin alte Drache, gschwind. ( 2 mal )
Wär ich son en Drache, ich flüügti wiit, wil de Hrebscht isch miini Lieblingsziit.

3. Wänn de Morgenäbel schwinde muess, folgt e warmi Sune uf siim Fuess.
Mit em alerletschte Summergruess ( 2 mal )
Ich wär gern son en Schtraal, wo deete liit, wil de Herbscht isch miini Lieblingsziit.

 

3.   Näbelrätsel
Was für e Tecki git eim nöd waarm?
Wer verschteckt es Huus,
hät aber kein Aarm?
Wer chläbt de Riife,
wer leit s lis?
Was isch une grau und obe wiis?
Weli Watte isch nöd troche?
Weli Suppe cha me nöd choche?
Findsch es nöd use, dänn lueg veruse!  
Findsch es nöd use, dänn lueg veruse!   

 4.    Hui, blaast de Herbschtwind
1. Hui, blaast de Herbschtwind. Hui, blaast dee fescht.
Er wirblet mit de Pletter und tanzet mit den Escht.
Wo söll au s Rootbrüschtli hii? De Wind isch groos und es soo chlii.
Flüüg doch chli an Schäärme und tuen di schnäll uufwäärme!

2. Hui, pfiift de Herbschtwind, hui, pfiift dee hööch.
Mängisch töönts vo wiitem und mängisch vo ganz nööch
Ou du, Igel, tuesch mer leid, so ooni Fäll und ooni Chleid
Chrüüch doch i diis Pletterhuus und mach en lange Winterpfuus.

3. Hui, ziet de Herbschtwind, hui, ziet dee chalt.
Er wott zum Fänschter ine und suecht sich jede Spalt.
Bliib nu duss, du chalte Wind, Chinde, chömed ine gschwind.
Mir pschlüüssed dänn die usser Tüür und mached grad es Schmineefüür.

 

5. Marrini, Marruni, Marroni
1. Marrini Marruni, Marroni
Die chaufed mer immer bim Toni.
Er schniidt en Schlitz
und dänn chunt dHitz
Marrini, Marruni, Marroni.

2. Marrini Marruni, Marroni
Sind ächt scho parat oder noni?
Es tuet mer verzele
Wies gaat mit dem Schele
Marrini, Marruni, Marroni.

3. Marrini Marruni, Marroni
Iez han I miis Pack und iez gaan i
S sind heiss, ich weiss
Und nim gliich eis
Marrini, Marruni, Marroni
Marrini, Marruni, Ma mmm

6. S Näbeltuech liit uf der Strass
S Näbeltuech liit uf der Strass,
macht eim d Haar und d Bagge nass.
Näbel, wo isch euses Hus?
Säg mers, ich chumm nüme drus.
Wo isch au de Wald hi cho?
Näbel häsch en du eus gno?
Gang, du graue Näbelma,
tuen is dSunne füre la!

Mit Ausnahme von dem 6. Lied stammen alle Lieder von der CD „Zimetstern“ von Andrew Bond.

Das 6. Lied ist von Marianne Hauser und Ernst Klug.

© 2018 - 2019 by ElternMitwirkung Schuleinheit Hasenbühl-Wermatswil - created by www.meinwww.ch - Webdesign und Google Optimierungen Uster

ElternMitWirkung Hasenbühl-Wermatswil


 Präsidiumsteam:        Fränzi Karpf Klöti
Angelo Luongo

 

elternrat.hasenbuehl@primarschule-uster.ch